திருப்பூர்: திருப்பூர் வீரபாண்டியை சேர்ந்தவர் ஈ.சீனிவாசன். அடுமனை, பழமுதிர் நிலையம், மக்கள் சந்தை என்ற சூப்பர் மார்க்கெட் உள்ளிட்ட தொழில்களை வெற்றிகரமாக செய்தவர். கடந்த 2021-ம் ஆண்டு திருப்பூரில் 'செண்பகம் பெயிண்ட்ஸ்' என்ற பெயரில் உற்பத்தி மற்றும் விற்பனை நிறுவனத்தை தொடங்கினார். வழக்கமான வியாபார யக்திகளை வழக்கமான வியாபார யுக்திகளை களைந்து, பெயிண்ட்களுக்கு இவர் வைத்த பெயர்கள் தான் பலரையும் ஈர்க்கவும், ரசிக்கவும், சிலாகிக்கவும் வைக்கிறது.
புகழ், இனியன், அழகி, எழில், செவ்வந்தி என தமிழ்ப்பெயர்களை வண்ணங்களுக்கு சூட்டி அழகு பார்த்தார். அதிலும் முதன்மை பூச்சுக்கு காப்பான், தடுப்பான், வெண்பா என தமிழில் அழகோவியம் வரைகிறார். அதேபோல் டிஸ்டம்பர் என்பதை 'பிசின் சுண்ணம்' என்றும், பட்டி மாவை 'சுவர் மெழுகி' என தமிழில் சொல்லி நெஞ்சில் வண்ணம் வார்க்கிறார். வெளிப்புற கண்ணாடி பூச்சு, வெளிர் கண்ணாடிப்பூச்சு, உட்புறச்சுவர் அழகு பூச்சு, சுவர் மெழுகி என பெயர்களை பெயிண்ட் டப்பாக்களில் அச்சிட்டு விற்பனை செய்கிறார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/i40pThm
via IFTTT