கொழுப்பை கரைக்கும் சிறுதானிய கொள்ளு சோறு

கொழுப்பு, உடல் எடையை குறைக்க நினைப்பவர்கள் அடிக்கடி சிறுதானிய கொள்ளு சோறுவை சமைத்து சாப்பிடலாம். இன்று இதன் செய்முறையை பார்க்கலாம்.


தேவையான பொருட்கள் :

வரகரிசி / சாமை அரிசி / குதிரைவாலி அரிசி - 100 கிராம்
கொள்ளு - 50 கிராம்
பூண்டு - 6 பல்
உப்பு - தேவையான அளவு
எண்ணெய் - தேவையான அளவு

வறுத்து பொடி செய்து கொள்ள :

கடலை பருப்பு - 20 கிராம்
மிளகு - 5 கிராம்
சீரகம் - 5 கிராம்
வெந்தயம் - 5 கிராம்
கொத்துமல்லி - 30 கிராம்
காய்ந்த மிளகாய் - 3

தாளிக்க :

கடுகு - 5 கிராம்
கறிவேப்பிலை - 5 கிராம்
பெருங்காய தூள் - சிறிதளவு
செய்முறை :

கொள்ளு, வரகரிசி / சாமை அரிசி / குதிரைவாலி அரிசியை நன்றாக கழுவி உதிரியாக வேகவைத்து கொள்ளவும்.

பூண்டை பொடியாக நறுக்கி கொள்ளவும்.

வறுத்து பொடிக்க கொடுக்கப்பட்டுள்ள பொருட்களை வெறும் கடாயில் போட்டு வறுத்து ஆறியதும் மிக்சியில் போட்டு பொடித்து கொள்ளவும்.

வாணலியில் எண்ணெய் விட்டு தாளிக்க கொடுத்த பொருட்களை தாளித்து, அரிந்த பூண்டு நன்கு வதக்கி, வேக வைத்த கொள்ளுவை சேர்த்து பொடியை சேர்த்து வேக விடவும்.

அடுத்து உதிரியாக உள்ள சோற்றுடன், வேக வைத்ததை சேர்த்து நன்றாக கலக்கவும்.